Mamit District election officer tarlan danin Polling Station siamthat ngai a awm leh awm loh te chu ECI hun bituk angin ni 28.08.2025 (Ningani) thleng enfiah a nih hnuah, polling station kan neih sa te a tha tawkah ngai in, District Level Standing Committee, Mamit District thukhawm te chuan an nemnghet a ni, a ti.

Dampa bial By-Election atana hman turin ni 01.07.2025 chu qualifying date-a hmangin, Draft Electoral Roll hi ni 02.09.2025 (Thawhlehni) ah tlangzarh tur.

Draft Electoral Roll-a diklo siamthat, inthun thar, roll atanga paih leh a dang te (Claims & Objections) dilna thehluh theih hun chhung hi ni 02.09.2025 (Thawhlehni) atanga ni 17.09.2025 (Nilaini) thleng hawn a ni.

Hemi hun chhunga forms thehluhte ERO leh AERO te'n an chinfel hun chhung atan ni 25.09.2025 (Ningani) thleng bituk a ni.

Chhut luh ngai leh tihfel ngai te tihfel a nih hnuah Final Electoral Roll chu ni 30.09.2025 (Thawhlehni) ah tlangzarh tur a ni. Kum 2025-2026 atana Mamit District chhunga Polling Station draft list chu District Level Standing Committee, Mamit district-te pawmpuina in tlangzarh a ni bawk.